مەودا میدیا-

بەپێی لێدوانێكی سەرۆكی لیژنەی دارایی لە ئەنجومەنی نوێنەرانی عیراق، بەغدا داوای كردووە لە رێگەی كارتەوە مووچەی فەرمانبەرانی هەرێم دابەش بكات.

هەیسم جبوری، سەرۆكی لیژنەی دارایی لە ئەنجومەنی نوێنەرانی عیراق رایگەیاندووە "داوامان لە شاندی هەرێمی كوردستان كردووە كە خۆمان لە رێگەی كارتی ئەلیكترۆنی مووچەی فەرمانبەرانی هەرێم بدەین بەڵام شاندەكە ئەوەیان پێ باش نەبووە".

پێشتریش باسی لەوەكردبوو "داوامان كردووە بەغدا خۆی هەستێت بە دابەشكردنی مووچەی فەرمانبەرانی هەرێمی كوردستان".