مه‌ودامیدیا - سه‌باح خدر 

یانه‌ی به‌رشه‌لۆنه‌ی ئیسپانی پلانێکی نوێ بۆ گه‌ڕانه‌وه‌ی نیماری به‌رازیلی و یاریزانی یانه‌ی پاریس سانجێرمان داده‌ڕێژێت.

رۆژنامه‌ی مۆندۆ دیپۆرتیڤۆی ئیسپانی ئه‌وه‌ی ئاشکرکردوه‌ :به‌رشه‌لۆنه‌ پلانی هه‌یه‌ بۆ گه‌ڕانه‌وه‌ی نیمار له‌ ساڵی 2020 و ده‌یه‌وێت کار به‌و مه‌رجه‌ی فیفا بکات که‌ بریتی یه‌ له‌وه‌ی ئه‌و یاریزانه‌ به‌رازیلیه‌ ده‌توانێت به‌بڕی 180 ملیون یۆرۆ یانه‌ی پاریس سانجێرمان به‌جێبهێڵێت.

هه‌مان رۆژنامه‌ ئه‌وه‌شی درکاندوه‌ که‌ نیمار ئاره‌زووی گه‌ڕانه‌وه‌ی بۆ به‌رشه‌لۆنه‌ هه‌یه‌ ده‌یه‌وێت جارێکی تر درێسی یانه‌ که‌ته‌لۆنیه‌که‌ بپۆشێت.

هاوینی رابردوو یانه‌ی به‌رشه‌لۆنه‌ چه‌ندین هه‌وڵیدا بۆ گه‌ڕانه‌وه‌ی نیمار ، به‌ڵام سه‌رجه‌میان بێ سوودبوو ئه‌ویش به‌هۆی ئه‌و بڕه‌ پاره‌ زۆره‌ی که‌ ئیداره‌ی یانه‌ی پاریس داوای ده‌کرد بریتی بوو له‌ بڕی 300 ملیون یۆرۆ.