مەودا میدیا-

دوای ئەوەی شەوی رابردوو متمانە بەخشرایە ستەفا كازمی وەك سەرۆك وەزیرانی نوێی عیراق نێچیرڤان بارزانی، سەرۆکی هەرێمی کوردستان پەیامێکی پیرۆزبایی ئاراستەی کازمی کرد و لە پەیامەکەدا هیوای خواستووە کازمی مافه‌ ده‌ستوورییه‌کانی هه‌رێمی کوردستان بگەڕێنێتەوە.

نێچیرڤان بارزانی لەلاپەڕەی تایبەتی خۆی لە تۆڕی كۆمەڵایەتی تویتەر پەیامەکەی بڵاوی كردووەتەوە و رایگەیاندووە  "پیرۆزبایی له‌ به‌ڕێز مسته‌فا کازمی ده‌که‌م بۆ په‌سه‌ندکردنی کابینه‌که‌ی، هیوای سه‌رکه‌وتنی بۆ ده‌خوازم".

لە بەشێکی دیکەی نوسینەکەیدا هاتووە "هیوادارم حکوومه‌ته‌که‌ی بتوانێت ئارامی، سه‌قامگیری، خزمه‌تگوزاری و پێشکه‌وتن بۆ وڵات و ماف و داوا ره‌واکانی‌ گه‌لی عیراق و مافه‌ ده‌ستوورییه‌کانی هه‌رێمی کوردستان بگەڕێنێتەوە".