مەودا میدیا- سازگار ئەحمەد

لە مانگی رەمەزاندا بەهۆی ئەوەی کەمتر ئاو دەخورێتەوە پێستمان تووشی وشکبوونەوە دەبێت، هەروەها بەرگری لەشمان لاواز دەبێت، بەڵام ئەمە نابێتە گرفت دەتوانرێت بە خواردنەوەی شەربەتیکی تەندروست خۆت لەو گرفتانە رزگار بکەیت.

پسپۆڕان رێنمایمان دەکەن بە خواردنەوەی شەربەتی شوتی لە مانگی رەمەزاندا، چونکە شوتی دەوڵەمەندە بە ڤیتامین A ،C، مەگنسیۆم و زینک، جەستە لە نەخۆشییە ڤایرۆسییەکان دەپارێزێت.

 هەروەها شوتی جەستە شێداردەکاتەوە و پێستمان لە وشکبوونەوە دەپارێزێت و بەرگری لەشمان بەهێز دەکات، هەروەها بۆ خانمانی دووگیانیش گرنگە.