مەودا میدیا-

نانسی عەجرەم، هونەرمەندی شۆخی لوبنانی لە یادی دایکبوونی یەکێک لە کچەکانیدا دەنووسیت "یەکەم خۆشەویستی ژیانم و یەکەم ئاسودەیی تەمەنم".

عەجرەم  لە لاپەرەی خۆی لە تۆڕی کۆمەڵایەتی فەیسبووک لە یادی لەدایکبونی میلای کچی  دوو وێنە بڵاودەکاتەوە  و دەنووسێت "ئەم جەژنەت خۆشترین جەژن بێت" و دەشڵێت "یەکەم خۆشەویستی ژیانم و یەکەم ئاسودەیی تەمەنم".

نانسی دوو جار خەڵاتی مۆسیقای جیھانیی بەدەستهێناوە، بێ جگە لەکاری گۆرانی چڕین کاری تەلەفزیۆنی کردووە وەک لیژنەی ھەڵسەنگاندن ئەویش لەبەرنامەی عەرەب ئایدل، عەجرەم لەدایکبوی ساڵی 1983یەو خەڵکی لوبنانە و  مەسیحیە، لەسەرەتاکانی تەمەنیەوە دەستی بە گۆرانی وتن کردوە و ئێستا یەکێکە لە بەناوبانگترین ئەستێرەکانی عەرەبی، هاوسەرگیری لەگەڵ پزیشکێک کردوە بەناوی "فادی هیشام" و دایکی سێ کچە.