مەودا میدیا-

بڕیارە ئەمڕۆ لیژنەی باڵای تەندروستیی و سەلامەتی نیشتمانی عیراق کۆبێتەوە و تاوتوێی قەدەغەی ھاتووچۆی تەواو دەكات، هەروەها پێشنیازیش كراوە بۆ ماوەی 14 رۆژ بەغدا كەرەنتین بكرێت بەهۆی ئەوەی ژمارەی تووشبووانی ڤایرۆسی کۆرۆنا لەو شارە لەبەرزبوونەوە دایە.

حەسەن تەمیمی، وەزیری تەندروستی عیراق بە میدیا عیراقییەکانی رایگەیاند "ئەمڕۆ شەممە لیژنەی باڵای تەندروستی و سەلامەتی نیشتمانی کۆدەبێتەوە بۆ تاوتوێکردنی رێکارەکانی تایبەت بە رووبەڕووبووەنەوەی ڤایرۆسی کۆرۆنا".

تەمیمی ئاشکراشی کرد "لیژنەكە تاوتوێی درێژکردنەوەی قەدەغەی هاتووچۆی تەواو دەكات، چونكە هێشتا عیراق لە قۆناغێکی مەترسیدار دایە".