مەودا میدیا-

ده‌سه‌ڵاتی فڕۆکه‌وانی شارستانی عیراقی ماوەی راگرتنی گه‌شته‌ ئاسمانییه‌کانی تـــــا6ی حوزەیران درێژکردەوە، بڕیارەكەش فڕۆكەى كارگۆ ناگرێتەوە.

فڕۆكەخانەی نێودەوڵەتی سلێمانی لە روونكردنەوەیەكدا دەڵێت "لە ئاگاداری نامەیەکدا ده‌سه‌ڵاتی فڕۆکه‌وانی شارستانی عیراقی بڕیاری ماوەی راگرتنی گەشتە ئاسمانی یەکان لە سه‌رجه‌م فڕۆکه‌خانه‌کانی عیراق تـــــا 6ی حوزەیران درێژکردەوە".

هەروەها "بڕیاره‌که‌ گه‌شتی فڕۆکه‌کانی مانگی سوور و سەربازی و یارمەتییە تەندروستییەكان و فریاگوزارییەکان و بارهه‌ڵگر (کارگۆ) ناگرێته‌وه".

باس لەوەشكراوە "‌ده‌رچوواندنی بڕیاره‌کەی ده‌سه‌ڵاتی فڕۆکه‌وانی شارستانی عیراقی له‌ چوارچێوه‌ی به‌رگریکردنه‌ له‌ بڵاوبوونه‌وه‌ی ڤایرۆسی کۆرۆنایە".