مەودا میدیا-

ئەمڕۆ پێنجشەممە، لە قەزای شارەزووری سەر بە پارێزگای سلێمانی هاوڵاتیان و چین و توێژەكان دەستیان بە خۆپیشاندان و ناڕەزایەتی كرد.

یەحیا حەبیب، چالاكوان لە شارەزوور بە مەودا میدیای راگەیاند "خۆپیشاندانەكە لە لایەن هاوڵاتی سنورەكەوە ئەنجامدراوە دژی ئەو دۆخەی ئێستا هەیە لە رووی دارایی و نەدانی مووچە و دواكەوتنی".

ئاماژەی بەوەشكرد "هەروەها خۆپیشاندەران داوای چاككردنی خزمەتگوزارییەكانیان دەكرد و داوایان دەكرد بەرپرسانی سنورەكە وەڵامی داواكارییەكانیان بدەنەوە".