مەودا میدیا-

ئەمڕۆ پەرلەمانتارێكی سەربەخۆی عیراق دەستلەكاركێشانەوەی خۆی پێشكەشی سەرۆکایەتی پەرلەمان كرد و هۆکاری دەستلەکارکێشانەوەکەی ئاشکرا کردووە.

یوسف كلابی، ئەندامی سەربەخۆی ئەنجومەنی نوێنەرانی عیراق نامەی دەستلەکارکێشانەوەی پێشکەشی سەرۆکایەتی پەرلەمان کرد و رایگەیاند "دەستلەکارکێشانەوەم بەهۆی سیستمی پشکپشکێنەیە لە عیراق، هەروەها ئەو سیستمە نوێیە شێوازێكی دیكەی لە شێوازەكانی ستەمكاریی هێنایە پێش، كە سیستمی پشكپشكێنەیە و تەنیا رۆڵەكانی ناوەڕاست و باشوور زەرەرمەندن".

ئەمەش دوای ئەوەدێت، رۆژی شەممە 6ی حوزەیرانی 2020 پەرلەمانی عیراق بۆ دەنگدان بە تەواوکردنی کابینە وەزارییەکەی مستەفا کازمی کۆبووەوە، کە بەدەنگی پەرلەمانتاران متمانە بە هەموو کابینەکە درا.