مەودا میدیا-

بەڕێوەبەرایەتی هاتووچۆی ئیدارەی گەرمیانی سەر بە پارێزگای سلێمانی ماوەی سێ رۆژ مۆڵەت دەداتە ئەو بارهەڵگرانەی کە لە کۆڵان و گەڕەکەکان راگیراون تا بیانبەنە دەرەوە، ئەمەش لە بەر بیزارکردنی هاوڵاتیان.

لە راگەیەندراوێکی ئەو بەڕێوەبەرایەتیە هاتووە "ئاگاداری سەرجەم ئەو شۆفێرانە دەکەینەوە کە ئۆتۆمبێلی بارهەڵگریان لە ناو گەرەک و کۆڵانەکان رادەگرن، لە ماوەی (72)کاتژمێردا، ئۆتۆمبێلەکانیان ببەنە دەرەوە بە پێچەوانەوە رێکاری یاساییان بەرامبەر دەگیرێتەبەر و سزا دەدرێن .

هەروەها "وەستانی ئۆتۆمبێل لەناو گەڕەک و کۆڵانەکاندا بوەتەهۆی بێزاری هاوڵاتیان و تێکدانی سیمای شار ، سەرەڕای ئاگادارکردنەوەی شۆفێران بۆچەندین جار، بەڵام بەداخەوە پابەند نابن، بۆیەئەم بریارەی بەڕێوبەرایەتی هاتوچۆی ئیدارەی گەرمیان لە پێناو بەرژەوەندی گشتیە، دواتان لێدەکەین لەو ماوەیەدا ئۆتۆمبێلەکان ببەنەدەرەوە".