مەودا میدیا-

لە بارەی کێشەی نێوانیان، رێبەری  سەلەفییەکانی کوردستان داوای دانیشتنێکی دوو قۆڵی لەگەڵ عەلی باپیر، ئەمیری کۆمەڵی ئیسلاميى كوردستان دەکات.


پەیامێک بۆ ئەمیری كۆمەڵی ئیسلامی

السلام عليكم ورحمة الله:
 براكەم هەرچەندە خەڵك سەرقاڵی كۆمەڵێك كێشەو گرفتە وەک موچەو ڤایرۆسی کۆڕۆنا، بەڵام تۆ مەشغوڵت كردن بە هێرش كردنە سەر سەلەفیەكان لە جیاتی عەلمانیەكان و (خاوەن قەسرەكان)!، وە منیش تەنها وەڵامێكی كورتی هەندێك لەقسەكانتم دایەوە بەرامبەر سوننەت و سەلەفیەت، جا بۆ ئەوەی ئەو كێشەیەی نێوانمان -كە كێشەی شەخسی نییە- بە لاڕێدا نەبرێت و نەكرێتە منداڵ بازاڕی بەهۆی دەست تێوەردانی كوڕەكەت و هاوشێوەكانی وە خۆ تێ هەڵقورتاندنی بێ دینەكان، ئەوە با خۆم وخۆت دابنیشین وگفتوگۆیەكی كراوەو ئاشكرا بكەین لەسەر ئەو قسانەی كردتن لەم بارەیەوە، وە ڕاستەوخۆش لە كەناڵی ئامۆژگاری و پەیام پەخش بكرێت.
د. عبداللطيف أحمد 
٨/٦/٢٠٢٠