مەودا میدیا-

بەپێی پێشبینییەکانی ماڵپەڕی ئەکواوێزەر لە 17ی ئەم مانگەوە پلەکانی گەرما لە شارەکانی هەرێمی کوردستان بۆ سەروو  40 پلە بەرز دەبێتەوە، بۆ ماوەی چەند رۆژێک بەو شێوەیە دەمێنێتەوە.

ماڵپەڕی ئەکواوێزەر بڵاویکردووەتەوە، لە رۆژی 17ی حوزەیرانی 2020 پلەکانی گەرما لە شارەکانی هەرێمی کوردستا بۆ  42 پلە بەرز دەبێتەوە.

بەپێی ئەو پێشبینیانەی ماڵپەڕەکە کردوویەتی، پلەکانی گەرما بۆ ماوەی 3 رۆژ لە 42 بۆ 41 پلەدا دەمێنێتەوە، دواتر پلەی گەرما بۆ 37 پلە دادەبەزێتەوە.