مەودا میدیا-

وەزارەتی تەندروستی حكومەتی عیراق تووشبوونی نزیكەی هەزار و 200 كەسی بە ڤایرۆسی كۆرۆنا راگەیاند و ئامارەكەش تادێت لە بەرزبوونەوەدایە.

ئەمڕۆ شەممە، وەزارەتی تەندروستی عیراق رایگەیاند "لە ماوەی 24 كاتژمێری رابردوو زیاتر لە 10 هەزار و 300 پشكنین بۆ هاوڵاتیان لە شارەكانی عیراق كراوە و دەركەوتووە هەزار و 180 كەس تووشی ڤایرۆسەكە بوون.

لە رەسافە 142 كەس، لە كەرخ 246 كەس، مەدینە توب 109 كەس، نەجەف 49، سلێمانی 82، هەولێر 20، دهۆك 14، كەربەلا 43، كەركوك 47، دیالە 39، واست 138، بەسرە 38، میسان 102، دیوانیە 24، زیقار 68، نەینەوا 3، سەلاحەدین 16 كەس.

هەر لەو 24 كاتژمێرەدا 647 كەس چاكبوونەتەوە، 53 كەس گیانیان لە دەستداوە و كۆی توشبووانیش بۆ 18 هەزار و 950 كەس بەرزبووەوە.