مەودا میدیا-

سەرپەرشتیاری ناشتنی مردووانی كۆرۆنا لە سلێمانی رایگەیاند، تا كاتژمێر چواری پاش نیوەڕۆی ئەمڕۆ چوار كەس لە سلێمانی كە هەڵگری ڤایرۆسی كۆرۆنا بوون مردوون.

شێخ عەبدوڵا ئەحمەد، سەرپەرشتیاری تیمی ناشتنی مردووانی كۆرۆنا لە سلێمانی بە مەودا میدیای راگەیاند "تا كاتژمێر چواری پاش نیوەڕۆی ئەمڕۆ دووشەممە، چوار هاوڵاتی كە هەڵگری ڤایرۆسی كۆرۆنا بوون گیانیان لە دەستداوە".

ئەوەشی خستەڕوو "یەكێك لەوانەی كە گیانی لە دەستداوە خەڵكی سنوری ئیدارەی راپەڕینە و ئەوانی تر شاری سلێمانی".

وتیشی "ئەوانەی مردوون بە تەمەنن و كۆی گیان لە دەستدانیش لە سلێمانی بۆ 50 كەس بەرزبووەتەوە".