مەودا میدیا-

باوكی ئەوكە هەشت ساڵەی كە لە هەولێر لە لایەن چەند كەسێكەوە دەستدرێژی كراوەتەسەر دەستگیركراوە و پارێزەرەكەشی دەڵێت، ئەوەی كراوە كارێكی نایاساییە.

ئەیاد كاكەیی، پارێزەری باوكی كچە هەشت ساڵەكەی هەولێر رایگەیاند "بەهۆی هەڕەشە و سوكایەتیكردنەوە لوقمان ئیسماعیل، باوكی كچە هەشت ساڵەكە دەستگیركراوە".

باسی لەوەشكردووە "پێشتر سكاڵا لەسەر لوقمان تۆماركراوە و نەچوەتە بەردەم دادگا، بڕیاری ئاگاداركردنەوەكەی بۆ كراوە بە بڕیاری دەستگیركردن و ئێستا دەستگیركراوە".

ئەوەشی خستەڕوو "ئەو ماددانەی كە ئەوی پێ دەستگیركراوە شیاوی ئەوە نین و پێویستە ئازاد بكرێت چونكە ئێستە كەس نییە ئەو كچەی بەخێو بكات".