مەودا میدیا-

سەرۆك وەزیرانی عیراق لەگەڵ سەرۆكی گشتی بانكی ناوەندی ئێران كۆبووەتەوە و رایگەیاندووە، عیراق لەو دۆخەدا ئێران فەرامۆش ناكات و هاوكاری دەكات.

مستەفا كازمی، سەرۆك وەزیرانی عیراق و عەبدولناسر هیمەتی، سەرۆكی گشتی بانكی ناوەندی ئێران كۆبووەتەوە و كازمی پێی راگەیاندووە "فەرمانمكردووە كێشەكانی پێدان و ئاڵوگۆڕی پارە لەگەڵ ئێران چارەسەر بكرێت".

باسی لەوەشكردووە "عیراق لەو دۆخەدا ئێران فەرامۆش ناكات و هاوكاری دەكات وەك چۆن ئێوە لە رۆژە سەختەكان هاوكاری ئێمەتان كرد".