مەودا میدیا-

پارێزگاری بەسرە لە باشووری عیراق رایدەگەیەنێت بەهۆی زۆربوونی ژمارەی تووشبووان بە ڤایرۆسی کۆرۆنا بۆماوەی هەفتەیەک هاتووچۆ بە گشتی لە پارێزگاکە قەدەغە دەکرێت ئاماژەی بەوەشکردووە 51 پزیشک و 220 کارمەندی فەرمانگە تەندروستییەکانی بەسرە تووشی کۆرۆنا بوون.

ئەسعەد عیدانی، پارێزگاری بەسرە بە رۆژنامەنوسانی رایگەیاند "قەدەغەی تەواوەتی هاتووچۆ لە بەسرە لە کاترمێر 7:00ی ئێوارەی دووشەممە تاوەکو 22ی حوزەیرانی 2020 دەستپێدەکات تاوەکو یەکشەممەی داهاتوو بەردەوام دەبێت".

ئاماژەت بەوەشکرد "لە کاتی قەدەغەی هاتووچۆ هەموو نۆرینگە پزیشکییەکان دادەخرێن، هەموو گردبوونەوەکان قەدەغە دەکرێن، چونکە 51 پزیشک و 220 کارمەندی فەرمانگە تەندروستییەکانی بەسرە تووشی کۆرۆنا بوون".