مەودا میدیا- 

فەرماندەی هێزەكانی وشكانی عیراق رایگەیاند ئۆپەراسیۆنێكی چڕ و وردیان  لە چەند ناوچەیەك بۆ كێوماڵكردنی چەكدارانی رێكخراوی تیرۆریستیی داعش دەستپێكردووە و بەپێی زانیارییەكانیشیان زیانی زۆری مادی و گیانیان لەو رێكخراوە داوە.

لیوا روكن قاسم محەمەد، فەرماندەی هێزەكانی وشكانی عیراق لە راگەیەندراوێكی رۆژنامەوانیدا رایگەیاند "بە ئامانجی راوەدوونانی چەكدارانی داعش لە سنووری كەركوك و دیالە و سەڵاحەدین ئۆپەراسیۆنێكیان دەستپێكردووە بۆ كۆتاییهێنان بە چالاكییەكانی ئەو رێكخراوە".

بەپێی قسەی لیوا روكن قاسم "لەو ئۆپەراسیۆنەدا چەندین مۆڵگە و تونێلی چەكداری داعش تێكدراون"، ئەوەشی وتووە "بەپێی ئەوەی كردوویانە ئۆپەراسیۆنەكە سەركەوتوو بووە و بەردەوامیش دەبین لەم جۆرە چالاكییە سەربازییانە".