مەودا میدیا-

ئەمڕۆ وەزارەتی دارایی و ئابووری حکومەتی هەرێمی کوردستان ئاشکرای کرد سبەی سێشەممە مووچەی مانگی 2ی ئەمساڵی چەند شوێنێک دابەش دەکرێت.

وەزارەتی دارایی و ئابووری حکومەتی هەرێمی کوردستان رایگەیاند "سبه‌ی سێشه‌ممه‌ 30 حوزەیرانی 2020 مووچه‌ی وه‌زاره‌تی ناوخۆ و هێزی زێره‌ڤانی و هێزی پێشمه‌رگه‌ی به‌رگری فریاكه‌وتن بۆ مانگی 2ی ئەمساڵ خه‌رج ده‌كرێت".

ئاماژەی بەوەشکرد "ڕۆژی چوارشەممە 1ی تەموزی 2020 بەهۆی رێكخستنی ميزانيه‌ی نيوەی ساڵ لەلايەن بانكەكان  مووچە خەرج ناكرێت، بەڵام رۆژی پێنجشەممە 2ی تەموزی 2020 مووچەی وەزارەتی دارايی و ئابووری و بەڕێوەبەرایەتیی گشتی رەگەزنامە و ليوای نەوت بۆ مانگی 2ی ئەمساڵ خەرج دەكرێت".