مەودا میدیا-

ئینستتیوتی نارین بۆ توێژینەوە و بڵاوكردنەوە و ماڵپەڕی مەودا میدیا پێكەوە دۆسییەی هەڵبژاردنەكانی سەرۆكایەتی ئەمەریكا ئامادە دەكەن و رۆژانە لە رێگەی بڵاوكردنەوەی هەواڵ و زانیاری و راپۆرتە هەواڵ و شیكاریی و بیروڕای شارەزایانی سیاسەتی ئەمەریكییەوە دۆسییەكە دەوڵەمەند دەكرێت.

كاروان رەسوڵ و هێمن سەعید، سەرپەرشتیارانی دۆسییەی هەڵبژاردنەكانی ئەمەریكا رایانگەیاند "كردنەوەی دۆسییەی هەڵبژاردنەكانی ئەمەریكا گرنگی خۆی هەیە بۆ خوێنەران و خەڵكی كوردستان".

ئەوەشیان باسكردووە "هەڵبژاردنەكانی ئەمەریكا لەسەر ئاستی سیاسەتی جیهانی بە گرنگییەوە لێی دەڕواندرێت، هەروەها لەسەر داهاتووی دۆزی رەوای كورد لە هەموو بەشەكانی كوردستان كاریگەری دیاری هەیە".

سەرپەرشتیارانی دۆسییەی هەڵبژاردنەكانی ئەمەریكا رایانگەیاند "داوا لە نووسەران و توێژەران و شارەزایانی سیاسەتی ئەمەریكا دەكەین لە دەوڵەمەندكردنی دۆسییەكەدا هاوكاریمان بكەن".