مەودا میدیا-

سوپای عیراق سەبارەت بە هێرشەکەی شەوی رابردوو روونکردنەوەیەکی بڵاوکردەوە.

سوپای عیراق لە روونکردنەوەیەکەدا رەتیدەکاتەوە شەوی رابردوو لە قەزای تاجی هێرشکرابێتە سەر کاروانێکی حەشدی شەعبی.

سوپای عیراق داوا دەکات "رێگا لە بڵاوکردنەوەی دەنگۆی نادروست بگیرێت، بە تایبەت لە کاتێکی هەستیاریی وەک ئێستادا".

ئەمەش دوای ئەوە دێت چەند میدیاییەک شەوی رابردوو بڵاویانکردەوە، کە فڕۆکەی بێ فڕۆکەوان هێرشی کردووەتە سەر کاروانێکی حەشدی شەعبی لە قەزای تاجی و بەهۆیەوە شەش کەس کوژراون، بەیانی ئەمڕۆ هێزەکانی هاوپەیمانی نێودەوڵەتی و سوپای عیراقیش ئەو هەواڵەیان رەتکردەوە.