مەودا میدیا-

ئه‌مڕۆ چوارشه‌ممه یەكی تەمموز، ئەنجومەنی وەزیرانی هەرێمی كوردستان كۆبوونه‌وه‌ی ئاسایی و هه‌فتانه‌ی خۆی به‌ سه‌رۆكایه‌تیی سه‌رۆكی حكومه‌تی هه‌رێمی كوردستان و ئامادەبوونی جێگری سەرۆکی حکومەت و ئه‌ندامانی كابینه‌ی نۆیه‌م به‌ رێگه‌ی ڤیدیۆ كۆنفرانس ساز ده‌كات.

جوتیار عادل، وتەبێژی حكومەتی هەرێمی كوردستان رایگەیاند "كۆبوونەوەكە تایبەتە بە پرۆسه‌ی دانوستانی نێوان حكومه‌تی هه‌رێم و حكومه‌تی فیدراڵ، هه‌نگاوه‌ كردارییه‌كانی چاكسازی، رێكار و میكانیزمه‌كانی جێبه‌جێكردنی".

هەروەها " پێشنووسی بڕیاری تایبه‌ت به راسپارده‌ی چاكسازی له‌ داهاتی گشتی، په‌ره‌پێدانی هاوبه‌شی له‌ هه‌ردوو كه‌رتی تایبه‌تی و گشتی و سیسته‌می باج، پرۆگرامی بایۆمه‌تری له‌ هه‌رێمی كوردستان".

تەوەرەیەكی تری كۆبوونەوەكە  پێشنیازه‌كانی لیژنه‌ی یاسایی په‌رله‌مان سه‌باره‌ت به یاسای دامه‌زراندنی سندووقی پشتیوانیی دارایی نیشته‌جێبوون، ده‌سته‌به‌ری كۆمه‌ڵایه‌تی و پێشینه‌ی خانووبه‌ره‌ و هاوسه‌رگیری دەبێت.