مەودا میدیا-

وەزارەتی تەندروستیی حکومەتی هەرێمی کوردستان لە راگەیەندراوێکدا ئاشکرای کرد وەزیری تەندروستی داوای هاوکاری لە   بەرپرسی رێکخراوی تەندروستیی جیهانی کردووە.

لە راگەیەندراوەکەدا هاتووە "د. سامان بەرزنجی، وەزیری تەندروستیی هەرێمی کوردستان پەیوەندی بە بەرپرسی رێکخراوی تەندروستیی جیهانییەوە دەکات و داوای گەیاندنی هاوکارییەکانی رێکخراوەکەی بۆ هەرێمی کوردستان کردووە". 

 

 بەپێی ئامارەکانی وەزارەتی تەندروستی،لەماوەی 24 کاتژمیری رابردوودا 254 تووشبووی کۆرۆنا تۆمارکراون، بەوەش ژمارەی تووشبووانی کۆرۆنا لە هەرێمی کوردستان بۆ شەش هەزار و 657 تووشبوو بەرزبووەوە.