مەودا میدیا-

ئەمڕۆ لە رووداوێکی هاتووچۆدا لە ناوچەی باڵەکایەتی سێ کەسی یەک خێزان گیانیان لەدەستدا و چوار کەسی دیکەش برینداربوون.

بەڕێوبەرایەتی هاتووچۆی سۆران رایگەیاند "ئەمڕۆ هەینی کاتژمێر 4:00ی ئێوارە لەسەر رێگای گوندی ویێزێ لە ناوچەی باڵەکایەتی لە رووداوێکی هاتووچۆدا کە ئۆتۆمبێلێکی جۆری تویوتا لاندگرۆزر وەرگەڕاوە، لە ئەنجامدا سێ کەس گیانیان لەدەستدا و چوار کەسی دیکەش برینداربوون".

لە راگەیەندراوەکەدا هاتووە "ئەو کەسانەی گیانیان لەدەستداوە دوو ژن و پیاوێکن و سەرجەمیان ئەندامی یەک خێزانن و خەڵکی باڵەکایەتین".