مەودا میدیا-

جێگری سەرۆككۆماری ئێران رایگەیاند، ئەمەریكا بۆ دانوستان لەگەڵ ئێران گڵۆپی سەوزی هەڵكردووە، ئەوەش دوای ئەوە بێ هیوابوو لە رووخاندنی دەسەڵاتی ئێران.

ئیسحاق جەهانگیر، جێگری یەكەمی سەرۆككۆماری ئێران رایگەیاند "بەهۆی بڵاوبوونەوەی ڤایرۆسی كۆرۆنا ئێرانیش وەك هەر وڵاتێكی تر دۆخی ئابووری و كۆمەڵایەتی كەوتووەتە ژێر ئەو كاریگەرییە".

ئەوەشی خستەڕوو "دوای ئەوەی ئەمەریكا هەوڵی رووخاندنی دەسەڵاتی ئێرانیدا و دواتر سەركەوتوونەبوون، لە ئێستادا بۆ دانوستان لەگەڵ ئێران، ئەمەریكا گڵۆپی سەوزی هەڵكردووە بۆ ئێران".