مەودا میدیا-

بەرەبەیانی ئەمڕۆ مووشەکێک ئاراستەی ناوچەیەکی نزیکی فڕۆکەخانەی نێودەوڵەتی بەغدا کرا، بەڵام بەهۆی ئەوەی مووشەکەکە نەتەقیوەتەوە هیچ زیانێکی گیانی نەبووە.

سەرچاوەیەکی ئەمنی بە سۆمەریە نیوزی راگەیاند "بەرەبەیانی ئەمڕۆ مووشەکێک لە جۆری کاتیۆشا ئاراستەی ناوچەیەکی نزیکی فڕۆکەخانەی نێودەوڵەتی بەغدا کرا".

ئەو سەرچاوەیە روونیشیکردووەتەوە "بەهۆی ئەوەی ئەو مووشەکە نەقیوەتەوە هیچ زیانێکی گیانی لێنەوکەوتووەتەوە".

جێگای ئاماژەیە، بەرەبەیانی دوێنێ یەکشەممە مووشەکێک ئاراستەی باڵیۆزخانەی ئەمەریکا کرا، سیستمی بەرگریی باڵیۆزخانەکە مووشەکەکەی پووچەڵکردەوە، بەڵام بە هۆی کەوتنەوە خوارەوەی مووشەکەکە منداڵێک بریندار بوو.