مەودا میدیا-

پاش نیوەڕۆی ئەمڕۆ دووشەممە، ئاگرێك لە چیای ئەزمەڕ لە شاری سلێمانی كەوتەوە و بەهۆیەوە زیاتر لە 150 دۆنم پوش و داری چیاكە سوتان.

هێمن كەمەرخان، بەرپرسی بەشی راگەیاندن لە پۆلیسی دارستانی سلێمانی بە مەودا میدیای راگەیاند "ئاگرەكە بەهۆی ئەو گەشتیارانەوە دروستبووە كە سەردانی ناوچەكەیان كردووە، ئاگریان كردبێتەوە و كەمتەرخەم بووبن یان جگەرەیان فڕێدابێت، لە ئەنجامدا شاخەكە گڕی گرتووە".

ئەوەشی خستەڕوو "پۆلیسی دارستان و بەرگری شارستانی و لایەنە پەیوەندیدارەكان دوای هەوڵوماندوبونێكی زۆر توانییان ئاگرەكە كۆنترۆڵ بكەن و زیانێكی زۆریش بەر دارو سيماى شاخەكە كەوتووە".

وتیشی "بەهۆی ئەو ئاگرەوە زیاتر لە 150 دۆنم زەوی شاخەكه سوتاوە".