مەودا میدیا-

وەزارەتی تەندروستی حكومەتی عیراق رایگەیاند، لە ماوەی 24 كاتژمێری رابردوو لە شارەكانی عیراق هەزار و 796 كەس تووشی كۆرۆنا بوون و هەزارو 724 كەسیش لە كۆرۆنا چاكبوونەتەوە.

لە راگەیەندراوێكی وەزارەتی تەندروستی هاتووە "  11 هەزار و 519 پشكنین بۆ هاوڵاتیان كراوە و دەركەوتووە هەزار و 796 كەس تووشی ڤایرۆسەكە بوون".

هەروەها "زۆرترین تووشبوو لە شاری بەغداو سلێمانی و زیقار و دیوانییە و كەربەلا و بەسرە تۆماركراوە".

هەر لەو ماوەیەدا هەزار و 724 هاوڵاتی لە ڤایرۆسەكە چاكبوونەتەوە و رەوانەی ماڵەوە كراونەتەوەو 94 كەسیش بەهۆی ڤایرۆسەكەوە گیانیان لە دەستداوە.