مەودا میدیا-

ئەمڕۆ دووشەممە، قوباد تاڵەبانی، جێگری سەرۆكی حكومەتی هەرێمی كوردستان لەگەڵ ئۆلیڤێ دیكۆتینی، كۆنسوڵی گشتی فەرەنسا لە هەرێمی كوردستان كۆبووەوە.

لە كۆبوونەوەكەدا گفتوگۆ و تاوتوێی دۆخی ئێستای ناوچەكە لەرووی ئەمنییەوە و باس لە ناوچە كێشە لەسەرەكان و پەیوەندی و گفتوگۆكانی هەرێمی كوردستان و عیراق كراوە.

هەروەها باس لە هەماهەنگی پێشمەرگە و سوپای عیراق كراوە لە ناوچە كێشە لەسەرەكان دوای هەڕەشە بەردەوامەكانی ئەمدوایەی داعش لە ناوچەكە دەركەوت بە هەماهەنگی هەردوولا دەتوانرێت ئەمنییەتی ئەو ناوچانە پارێزراوبێت.