مەودا میدیا-

دكتۆرە بینایی كامەران، پسپۆڕی خۆراك چەند رێگایەك بۆ بەرزکردنەوەی بەرگری لەش و خانەکانی لەش دەخاتەڕوو بۆ ئەوەی رێگری بکرێت لە تووش بوون بە هەوکردنی ڤایرۆسی  و زوو چاک بوونەوە لە کاتی تووش بوون بە نەخۆشی ڤایرۆسی لە رێگەی بەهێز کردنی بەرگری لەشی خۆت.

یەك، جگەرە نەکێشان
 
دوو، رۆژانە خواردنی بڕێکی زۆر لە لیمۆ، تەماتە، کاهو، برۆکۆلی، خەیار ، چەوەنەری سوور،گێزەر، پیاز ، زەنجەفیل، سندی،سیر،زەردەچەوە، سپێناغ وسلق، بە زەلاتە یان شلەو شۆربا، هەروەها سێو،بایەم و گوێز، هێلکە،خورما، چای سەوز .... زۆر بەسودن.

سێ، زۆر خواردنەوەی ئاو 10 بۆ 15 پەرداخ رۆژانە

چوار، رۆژانە وەرزش کردنى  بەردەوام، خاوەنی هەر کێشێک بیت گرنگە وەرزش بکرێت، هەروەها راگرتنی کێشی ئاسایی گرنگە.
( کێشی کە م یا زۆر هیچیان باش نیە بۆ بەرگری لەش)

پێنج، خەوی شەوی تەندروست   7 بۆ 8 کاتژمێر.
 
شەش، نەخواردنەوەی ماددە کحولیەکان یان زۆر کەم کردنەوەی.

حەوت، ئاگاداری خۆت بکە لە تووش بوون بە راگرتنی خاوێنی دەست شۆردن و باش كوڵاندانی گۆشت ومریشک و باش شۆردنەوەی سەوزەوات.

هەشت، هەوڵ دان بۆ کەمکردنەوەی سترێس و فشاری ئیش و کات دان بە خۆت بۆ ئیسراحەتی مێشکت، یاری کردن لەگەڵ مناڵ، مەلە کردن، یۆگا، شەوان زوو نوستن ، رۆشتنی پێ و وەرزش،چای گوڵەبەیبون بۆ هێور کردنەوەی مێشک.

نۆ، کەم کردنەوەی لە خواردنی رێستۆرانت و فاست فوود خواردنی سەر عەرەبانە.