مەودا میدیا-

وەزیری کشتوکاڵ و سەرچاوەکانی ئاوی حکومەتی هەرێمی کوردستان رایدەگەیەنێت لە نزیکترین کات و بەزوویی بازگەکان دەکرێنەوە بۆ ئەوەی جوتیارانی هەرێم بەروبوومەکانیان بنێرنە باشوور و ناوەڕاستی عیراق و باس لەوەش دەکات  لەداهاتوویەکی نزیک کارگەی ئاوەتەماتەی هەریر دەکەنەوە بۆ وەرگرتنی تەماتەی جوتیاران.

بێگەرد تاڵەبانی، وەزیری کشتوکاڵ و سەرچاوەکانی ئاوی حکومەتی هەرێمی کوردستان بە وەفدێکی پەرلەمانی کوردستانی کە ئەمڕۆ  7/7 ی تەمۆز سەردانیان کردوە و پێوتوون "لە نزیکترین کات و بەزوویی بازگەکان دەکرێنەوە بۆ ئەوەی جوتیارانی هەرێم بەروبوومەکانیان بنێرنە باشوور و ناوەڕاستی عیراق".

راشیگەیاندووە "لە داهاتوویەکی نزیک کارگەی ئاوەتەماتەی هەریر دەکەنەوە بۆ وەرگرتنی تەماتەی جوتیاران" و روونیشیکردووتەوە "سەرجەم کارگەکانی تریش دەکرێنەوە کە دەبێتە هۆی رەخساندنی هەلی کار".