مەودا میدیا-

كۆمپانیایەكی دەرمانسازی لە كوردستان بە هاوكاری سەنتەرە پسپۆڕییە جیهانییەكان دەرمانی دژە ڤایرۆسی كۆرۆنای بەرهەمهێناوە و رەوانەی وەزارەتی تەندروستی عیراقی كردووە بۆ دابەشكردن بەسەر ناوەندەكانی چارەسەری كۆرۆنا.

كۆمپانیای ئاوامێدیكا كە كۆمپانیاییەكی دەرمانسازییە لە كوردستان لە پەیجی تایبەتی خۆی لە تۆڕی كۆمەڵایەتی فەیسبووك بڵاویكردەوە " ئاوامێدیكا بە هاوكاری سەنتەرە پسپۆڕییە جیهانییەكان، بە سەركەوتوویی دەرمانی دژەڤایرۆسی فابیڤیر (فاڤیپیراڤیر)ی بۆ چارەسەركردنی نەخۆشیی ڤایرۆسی كۆرۆنا بەرهەمهێناوە".

باسی لەوەشكردووە "وەك یەكەم هەنگاو بڕێك لەو دەرمانە بۆ وەزارەتی تەندروستی عیراق نێردراوە، تاوەكو بەسەر سەرجەم ناوەندەكانی چارەسەركردنی نەخۆشی ڤایرۆسی كۆرۆنا دابەشبكرێت".