مەودا میدیا-

كارمەند و ئەفسەرانی بەڕێوەبەرایەتی هاتوچۆی پارێزگای سلێمانی بایكۆتی دەوامیان راگرت و بریاریاندا تا 25ی مانگ بەشێوەی كاتی دەست بە دەوام بكەنەوە.

لە راگەیەندراوێكی كارمەندانی ناڕازی هاتوچۆ هاتووە "لەسەر بەڵێنی بەڕێوەبەری هاتوچۆی ناوشاری سلێمانی تا 25ی تەمووز بایكۆت رادەگرن و دەوام دەكەن بەمەبەستی جێبەجێكردنی داواكارییەكانیان".

باسیان لەوەشكردووە "دەبێت مووچە مانگانە لە كاتی خۆی بێ دواكەوتن و بڕین وەربگرين، بەڵام ئەگەر داواكارییەكان جێبەجێ نەكرن دوبارە دەست به بایكۆت دەكەنەوە".

ماوەی سێ هەفتەیە كارمەندان و ئەفسەرانی هاتوچۆی سلێمانی بەهۆی بڕینی مووچەكانیان و دواكەوتنی مووچە بایكۆتی دەوامیان كردبوو.