مەودا میدیا-

بۆ ئەو كەسانەی كە دەیانەوێت كێشیان كەم ببێتەوە، ئەوا دەبێت ئەو سەوزانە بخورێت كە كاربۆهایدراتی كەمیان تێدایە ئەمەش بەتەنیا نابێت بەڵكو دەبێت میوە و سەوزەی تری لەگەڵدا بێت، ئەو سەوزەواتانەی كە كاربۆهایدراتی كەمیان تێدایە بریتین لە:

قارچك: پڕە لە ڤیتامین (D) و ئەنتی ئۆكسیدان، سیستمی ئارامی لەش رێكدەخات و هۆكاری كەم بوونەوەی كێشی لەش و رێگری لە گەشەی خانەكانی تووش بوون بە شێرپەنجە دەكات، یەك كوپ قارچك تەنها 1.2 گرام كاربۆهایدراتی تێدایە.

تور: بۆ جۆرەكانی نەخۆشی شەكرە بەسودە و یارمەتی كەمبوونەوەی كێشی لەش دەدات، لە چارەسەری قەبزی دا كاریگەری هەیە، هەروەها ئەم سەوزەیە بۆ ددانەكان و لێوەكان ودەمارەكان و موو و نینۆك زۆر بەسودە، هەر پەلكە تورێك تەنها 5 گرام كاربۆهایدراتی تێدایە.

بیبەری رۆژئاوایی (جۆرێكە لە جۆرەكانی بیبەر): سەرچاوەی ڤیتامین (C) و ماددەی لیكۆپینە كە بۆ پارێزگاری سەلامەتی دڵ زۆر گرنگە، هەروەها بیبەر یارمەتی پاڵاوتنی خوێن دەدات و بۆ توشبوانی نەخۆشی گورچیلە زۆر بەسودە، نیوەی پەرداخێك بیبەری  رۆژئاوایی كاڵ تەنها 2.3 گرام كاربۆهایدراتی تێدایە.

خەیار: پڕە لە ڤیتامین D) A, B, C)، ئەم ڤیتامینانە بۆ پاراستنی سەلامەتی پێست و كەمبوونەوەی ئاستی ئەسیدئۆریك زۆر گرنگە، خەیار چارەسەری قەبزی دەكات و هۆكارێكی سەرەكییە بۆ كەمبوونەوەی كێشی لەش، نیوەی كوپێك شەربەتی خەیار تەنها 1 گرام كاربۆهایدرات لەخۆ دەگرێت.

زەیتون: خۆراكێكی ئێجگار سودبەخشە بۆ پاراستنی پێست و سەلامەتی دڵ، 5 دەنك زەیتونی سەوز یان ڕەش تەنها 0.1 تا 0.7 گرام كاربۆهایدرات لەخۆ دەگرێت.