مەودا میدیا-

دەزگای ئاسایشی نیشتمانی عیراق رایگەیاند، باندێكی بازرگانیكردن بە جەستەی مرۆڤ دەستگیراوە چەندین كەسیان كردووە بە قوربانی و بازرگانیان پێوەكردوون.

لە راگەیەندراوێكی ئەو دەزگایە هاتووە "ئەو باندەی دەستگیركراون، لە سێ كەس پێكهاتوون، دوو ژن و پیاوێك، لە رێگەی تۆڕە كۆمەڵایەتییەكانەوە ئەو كارەیان كردووە و چەندین كەسیان كردووە بە قوربانی كارەكەی خۆیان".

باس لەوەشكراوە "باندەكە لە شاری كەركوك دەستگیركراوە و چەندین كەسیان بە فێڵ و درۆ هەڵخەڵەتاندووە و دواتر بازرگانیان بە ئەندامەكانی جەستەیەوە كراوە".