مەودا میدیا-

بە فەرمانى وەزیرى خوێندنى باڵا و توێژینەوەى زانستى بەشداربوون لە خولەکانى تەواوکارى زمانى ئینگلیزى لە 100 هەزار دینارەوە بۆ 60 هەزار دینار کەمکرایەوە.

بەپێی نووسراوێکی وەزارەتی خوێندنی باڵا و توێژینەوەی زانستی حکومەتی هەرێمی کوردستان، لێژنەى پێداچوونەوە بە مەرج و رێنماییەکانى زمانى ئینگلیزى و سەرپەرشتیکردنى سەنتەرەکانى زمان بۆ کاروبارى زانستى و خوێندنى باڵا دەرچووە، خولەکانى زمانى ئینگلیزى بەشێوەى ئۆنلاین لە سەنتەرەکانى زمان دەستپێدەکاتەوە.

هەروەها، بەرەچاوکردنى دۆخى دارایى و ئابوورى بەشداربووانیش بە فەرمانى وەزیرى خوێندنى باڵا و توێژینەوەى زانستى، بەشداربووانى خولەکانى تەواوکارى زمانى ئینگلیزى کە تەنیا تاقیکردنەوەى کۆتاى ئاست ئەنجامدەدەن، نرخی فێربوونی زمانی ئینگلیزیان بۆ کەمدەکرێتەوە بۆ 60 هەزار دینار.