مەودا میدیا- سەركۆ جەمال

ئەمڕۆ هەینی، نرخی نەوت لە بازاڕەكانی جیهان دابەزینی تۆماركرد،دوای ئەوەی دوێنێ نرخەكەی بەشێوەیەكی بەرچاو دوای دوو رۆژ لە دابەزین بەرزبوویەوە.

ئەمڕۆ هەینی، نرخی یەك بەرمیل نەوتی برێنت بۆ 41 دۆلار و 62 سەنت دابەزی و نەوتی خاوی ئەمەریكییش بۆ 38 دۆلار و 79 سەنت دابەزی.

بەرای چاودێرانی بواری ئابووری، دابەزینی ئەم جارەی نرخی نەوت دوای دوو رۆژ لە بەرزبوونەوەی بەهۆی ترسە لە دووبارە سەرهەڵدانەوەی شەپۆلێكی دیكەی كۆرۆنا، بەتایبەت دوای ئەوەی ئامارەكان ئەمرۆ لە ئەمریكا بەشێوەیەكی بەرچاو هەڵكشان، ئەو وڵاتەش بە گەورەترین كڕیاری نەوت لە جیهان دادەنرێت.

دابەزین و بەرزبوونەوەی نرخی نەوت كاریگەری لەسەر داهاتی عیراق و هەرێمی كوردستان دەبێت بەهۆی ئەوەی پشت بە نەوت دەبەستن.