مەودا میدیا- سەركۆ جەمال

بەڕێوەبەری نەخۆشخانەی گەڕەكی واست لە شاری كەركوك، بەهۆی گڕگرتنی مۆلیدەی ماڵەكەیەوە سووتا، دواتر رەوانەی نەخۆشخانەكرا.

پێش نیوەڕۆی ئەمڕۆ هەینی 10ی تەموزی 2020 لەگەڕەكی "واستی" شاری كەركوكـ، دكتۆر (حسێن ئیبراهیم) بەڕێوەبەری نەخۆشخانەی "حەی نەسر لەكاتی تێكردنی بەنزین بۆ موەلیدەی ماڵەكەی خۆی موەلیدەكە ئاگری گرت، بەوهۆیەوە  بەشێكی جەستەی ناوبراو سووتا.

بەپێی زانیارییەكان لەئێستادا بەمەبەستی وەرگرتنی چارەسەر گواستراوەتەوە بۆ بەشی سوتاوی نەخۆشخانەی ئازادی.