مەودا میدیا-

ئەمڕۆ یەكشەممە، وەزارەتی پەروەردەی عیراق دەرچوونی گشتی بۆ خوێندكارانی پۆلی 12ی ئامادەیی راگەیاند ئەوانەی كە نایانەوێت بەشداری تاقیكردنەوەكان بكەن.

لە راگەیەندراوێكی وەزارەتی پەروەردەی عیراق هاتووە "ئەو بڕیارە بۆ ئەو خوێندكارانەیە كە دەیانەوێت بەشداری تاقیكردنەوەكانی خولی یەكەم و دووەم نەكەن".

باس لەوەشكراوە "پێویستە بەخێوكەری خوێندكار رەزامەندی بدات و ئەو رەزامەندییەش بگاتە دەستی ئەو خوێندنگایەی كە خوێندكارەكە لێی دەخوێنێت".

هەروەها بڕیارەكە چەندین رێنمایی تایبەتی بۆ خوێندكارانی دەرەكی و ناوچەكانی نەینەوا و كەركوك و سەلاحەدین و ئەنبار تێدایە.