مەودا میدیا-

ئەمڕۆ چوارشەممە، سۆران عومەر، ئەندامی فراكسیۆنی كۆمەڵی ئیسلامی كوردستان نامەی دەستلەكاركێشانەوەی ئاراستەی سەرۆكی پەرلەمانی كوردستان كرد.

لە نامەكەدا باسی لەوەكردووە "داواكارم لە نزیكترین كۆبوونەوەی پەرلەمان ئەم نامەیەم وەك دەستلەكاركێشانەوە لە ئەندامیەتی پەرلەمانی كوردستان پەسەند بكرێت".

ئەو پەرلەمانتارە هۆكارەكەی بۆ ئەوە گەڕاندووەتەوە كە "پەرلەمان بە ئەركی خۆی لە یاسادانان و چاودێری حكومەت و نوێنەرایەتی خەڵكی كوردستان بەجێ ناهێنێت".

مانگی رابردوو بەكۆی دەنگی 57 پەرلەمانتار، سۆران عومەر پارێزبەندی لەسەر هەڵگیرا و رۆژی 12ی ئەم مانگەش دادگای تێهەڵچوونەوەی ناوچەی هەولێر فەرمانی دەستگیركردنی بۆ ناوبراو دەركرد.

ه،ع