مەودا میدیا-

 بەپێی راگەیەندراوێكی وەزارەتی دەرەوەی فەرەنسا بڕیارە رۆژی پێنجشەممە وەزیری دەرەوەی ئەو وڵاتە سەردانی بەغدا و هەرێمی كوردستان بكات و كۆمەڵێك پرسی گرنگ تاوتوێ بكرێت. 

وەزارەتی دەرەوەی فەرەنسا لە راگەیەندراوەكەیدا نووسیویەتی "فواد حسێن، وەزیری دەرەوەی عیراق پێشوازی لە وەزیری دەرەوەی فەرەنسا دەکات و دواتریش کۆنفرانسێکی رۆژنامەوانی سازبكەن".

بەپێی زانیاری و راگەیەندراوەكە، ژان ئیڤ لودریان، وەزیری دەرەوەی فەرەنسا سەردانی هەرێمی كوردستان دەكات و پەیوەندییەكانی هەولێر و پاریس تاوتوێ دەكرێن.