مەودا میدیا-

پۆلیسی وارماوا (زه‌ڕایه‌ن) دەستگیرکردنی هاککەرێکی راگەیاند، کە هەستاوە بە ‌ به‌ هاكردنی ئه‌كاونتی ژنان و كچان و بڵاوكردنه‌وه‌ی وێنه‌ی تایبه‌تی كچان به‌شێوه‌ی نه‌شیاو.

لە راگەیەندراوێکدا پۆلیسی وارماوا (زه‌ڕایه‌ن) رایگەیاند "دوای به‌دواداچوونیان بۆ كێشه‌ی هاوڵاتیه‌ك پۆلیسی وارماوا توانیان كه‌سێكی هاكه‌ر ئاشكرا بكه‌ن و پاشان ده‌ستگیری بكه‌ن".

ئاماژە بەوەشکراوە "كه‌سه‌كه‌ هه‌ستاوه‌ به‌ هاكردنی ئه‌كاونتی ژنان و كچان و بڵاوكردنه‌وه‌ی وێنه‌ی تایبه‌تی كچان به‌شێوه‌ی نه‌شیاو له‌ ئه‌كاونتی كه‌سه‌ هاكراوه‌كاندا تاوه‌ك ناچاریان بكات به‌ پێدانی باڵانسی پڕكردنه‌وه‌ی مۆبایل , له‌ به‌رامبه‌ر گه‌ڕاندنه‌وه‌ی ئه‌كاوتنی كه‌سه هاكراوه‌كاندا یاخود سوتاندنی ئه‌كاونته‌كان".

لەراگەیەندراوەکەدا ئەوەس هاتووە "له‌ ئێستادا كه‌سه‌ هاكه‌ره‌كه‌ به‌ بڕیاری دادگا به‌نده‌ به‌ ماده‌ی 2ی خراپ به‌كارهێنانی تۆڕه‌كانی په‌یوه‌ندی".

س.س