مەودا میدیا- سازگار ئەحمەد

ئێوارەی ئەمڕۆ چەکدارانی رێکخراوی تیرۆرستی داعش هێرشیانکردە سەر گوندی ئوم حونتەی سەر بە ناحیەی جەلەولا بەهۆی هێرشەکەوە ژمارەیەک شوانکار و جوتیار برینداربوون.

شەماڵ عەبدولڕەحمان، بەرپرسی بنکەی ئاسایشی ناحیەی کۆکسی سەر بە قەزای کفری بە مەودا میدیای راگەیاند "ئێوارەی ئەمڕۆ دەوروبەری کاتژمێر 6:00 ژمارەیەک چەکداری داعش بە چەکی نیشانشکێنی بێدەنگ هێرشیان کردووەتە سەر ژمارەیەک شوانکار و جوتیاری گوندی ئوم حونتەی سەر بە ناحیەی جەلەولا".

ئاماژەی بەوەشکرد "لە ئەنجامی هێرشەکەدا 5 کەس برینداربوون، بەڵام بەهۆی سەختی برینەکەیەوە یەکێک لەو کەسانە بەناوی (حەمید ئەحمەد) قادر گیانی لەدەستداوە".

س.س