مەودا میدیا-

ئێوارەی ئەمڕۆ چەند تەقینەوەیەک لە سەنتەری شاری حەسەکەی رۆژئاوای کوردستان روویاندا کە لە ناو کۆگایەکی چەک و تەقەمەنیدا روویانداوە و بەو هۆیەوە ژمارەیەک کەس برینداربوون.

بەپێی زانیارییە میدیاییەکان ئێوارەی ئەمڕۆ چوارشەممە کاژێر 8:00 چەند تەقینەوەیەک لە سەنتەری شاری حەسەکەی رۆژئاوای کوردستان روویانداوە و تەقینەوەکان لەنێو کۆگایەکی چەک و تەقەمەنی بوون.
 
بەپێی زانیارییەکان، تەقینەوەکان لە کۆگایەکی چەک و تەقەمەنیی هێزەکانی سووریای دیموکرات - هەسەدەیە و بەهۆیانەوە هەشت کەس برینداربوون، کە برینی هەموویان سووکە.

س.س