جیهانی
ئێران تووشی زیانێکی زۆربوو
مەودا میدیا - سلێمانی |
مەودا میدیا-
بەرپرسی گشتی بەڕێوەبەرایەتی قەیرانی پارێزگای بوشەهری ئێران رایگەیاند، بەهۆی ئەو ئاگرەی کە لە کارگەیەکی دروستکردنی كەشتی کەوتوەتەوە لە بەندەری بوشەهری ئێران نزیکەی 10 كەشتی سوتاون و زیانێکی زۆری داوە.
جیهانگیر دەهقانی، بە میدیاکانی ئێرانی راگەیاندووە "ئاگرەکە ماوەی پێنج کاتژمێر بەردەوام بووە لە کارگەیەکی دروستکردنی كەشتی و بەهۆیەوە حەوت كەشتی سوتاون و زیانێکی زۆر بەر کارگەکە کەوتووە".
باسی لەوەشکردووە "ئاگرەکە زیانێکی زۆری بەر ئەو کارگەیە داوە، بە هەوڵ و توانای تەواوی لایەنە پەیوەندیدارەکان و ئاگر کوژێنەوە توانراوە کۆنترۆڵ بکرێت و هیچ زیانێکی گیانی نەبووە".
ئەوەشی خستەڕوو "بەهۆی زۆری با و ئەو ماددەیەی کە كەشتیەكانى پێ دروستکراوە وایکردووە کە ئاگرەکە درەنگتر لە کاتی خۆی کۆنترۆڵ بکرێت و زیانێکی زیاتر بدات".
ە،ع
بیروڕا
