مەودا میدیا-

پزیشكانی هۆڵەندی تەئكیدیان كردەوە كە دابەزاندنی كێش لەرێگای وەرزشكردنی زیادەوە كاریگەری لەسەر سەلامەتی مەمك هەیە بۆ دووربوون لە نەخۆشی شێرپەنجە.

ئەم لێكۆڵەرەوانە لە توێژینەوەیەكی نوێدا دەریانخستووە "ئەو ژنانەی بۆ كەمكردنەوەی كێشیان بەشێوەیەكی رێك وەرزش دەكەن و لە هەمان كاتدا بەرنامەی خواردنیان سەلامەت و گونجاوە بەجیاواز لەو ژنانەی كە تەنها بە رێگای رێجیم كردن كێشی خۆیان كەم دەكەنەوە كەمتر تووشی شێرپەنجەی مەمك دەبن". 

بە مانایەكی تر ئەو ژنانەی كە بۆ كەمبوونەوەی كێش هەم ماددەی خۆراكی گونجاو بەكاردەهێنن و هەم چالاكی وەرزشییان هەیە لەبەرامبەر ئەو ژنانەی كە تەنها بە رێجیم كردن كێشی خۆیان دادەبەزێنن، كەمتر تووشی شێرپەنجەی مەمك دەبن.

لە راپرسییەكدا نزیكەی (240) ژن لە تەمەنی (50 تا 69) ساڵی كە كێشیان زۆر بوو، كردنیان بە چەند گروپێكەوە بڕیار بوو پێنج تا شەش كیلۆ گرام كێشی خۆیان دابەزێنن یەك لەسەر سێی ئەم ژنانە تەنها رێجیمی خواردنیان كرد، یەك لەسەر سێی ژنەكانی تر لەبەرنامەكانی قورسی وەرزشی بەشداریان كرد و یەك رێجیمی خواردنی سەلامەتیان ئەنجامدا و ژنەكانی تر كە دەمێننەوە هیچ گۆڕانكاریەكیان لە خووی ئاسایی خۆیان نەكرد.

لە كۆتایی ئەم لێكۆڵینەوەیەدا كە تایبەت بوو بەو ژنانەی كە كرابوونە گرووپ لە دوو گروپدا بە كێشی ئاسایی و باری خۆیان گەیشتن بەڵام گروپی دووەم خوێنیان لێ‌ گرتوون و جێگیر بوون لە كەم و زیادی ئاستی هۆرمۆنی (استروژن)، سەبارەت بە گروپی یەكەم و لە ئەنجامدا كەمبووونەوەی مەترسی تووش بوون بە شێرپەنجەی مەمك بوو، چونكە زۆرێك لە جۆرەكانی شێرپەنجەی مەمك بۆ  گەشەكردن و پێشكەوتن لە جسمدا پێویستی بە هۆرمۆنی (استروژن) هەیە.

ه،ع