مەودا میدیا- سازگار ئەحمەد

لیژنەی باڵای تەندروستی نیشتیمانی عیراق رایدەگەیەنێت 23ی مانگ فڕۆکەخانەکان دەکرێنەوە و گەشتە ئاسمانییەکان لە عیراق  و هەرێمی کوردستان دەستپێدەکەنەوە.

ئەمڕۆ لیژنەی  باڵای تەندروستی نیشتیمانی عیراق کۆبووەوە و لە کۆبوونەوەکەدا بڕیاردرا بە دەستپێکردنەوەی گەشتە ئاسمانییەکان لە 23ی تەموزی 2020 لە فڕۆکەخانەکانی هەرێمی کوردستان و عیراق.

هەر لە کۆبوونەوەکەدا بڕیاردرا لە دوای جەژنی قوربان قەدەغەی هاتووچۆ هەڵبگیرێت و مۆڵ و فڕۆکەخانە و چەند بەندەرێک بکرێنەوە، هەروەها بڕیار درا کردنەوەی ئەم شوێنانە بە مەرجە تەندروستییەکانەوە بێت.

هەروەها تاهیر عەبدوڵڵا، بەڕێوبەری فڕۆکەخانەی سلێمانی بە مەودا میدیای راگەیاند "بۆ کردنەوەی فڕۆکەخانەکان دەبێت رێنمایی و بڕیار لە دەسەڵاتی فڕۆکەوانی عیراقەوە وەربگیرێت".

ئاماژەی بەوەشکرد "مادەم ئەو بڕیارە دراوە لەلایەن لیژنەی باڵای تەندروستی نیشتیمانی عیراق ئاوا ئێمەش دراسەی ئەو بڕیارە دەکەین و ئامادەکاری دەکەین بۆ دەستپێکردنەوە گەشتەکان".

س.س