مەودا میدیا-

 هێزەکانی سوریای دیموکرات، قۆناغی دووەمی هەنگاوی “لەناوبردنی تیرۆر”ی دژی شانەکانی   داعش لە هەرێمی دێرەزۆر، راگەیاند.

لەو بارەیەوە  ناوەندی ڕاگەیاندنی هەسەدە راگەیەندراوێکی بڵاوکردەوە کە تێدا هاتووە" هێزەکانمان بەیانی ئەمڕۆ قۆناغی دووەمی هەنگاوی لەناوبردنی تیرۆریان دژی شانەکانی  داعش لە هەرێمی دێرەزۆر، دەستپێکرد".

هەسەدە ئاماژەی بەوەشكردووە" ئەم هەنگاوەمان لەسەر داخوازی هاوڵاتیان و سەرۆک عەشیرەتەکانی هەرێمەکە بوو، دژی ئەو چەكدارانەی ئاسایشی ناوچەکە تێکدەدەن، بە تایبەتی دوای ئەوەی هێرشەکانی  داعش دژی هاوڵاتیانی مەدەنی زیادی کردووە".

لە کۆتاییشدا هاتووە" یەکینەکانی دژی تیرۆر و هێزەکانی هاوپەیمانی نێودەوڵەتی، بەشداری هەنگاوەکە دەبن و پشتیوانیی ئاسمانیشمان هەیە، ئەم هەنگاوە تا پێکهێنانی ئامانجەکان کە فەرماندەیی گشتی دەستنیشانی کردووە بەردەوام دەبێت.

 س.ج