مەودا میدیا-

روانگەی سوری بۆ مافەکانی مرۆڤ رایگەیاند، چەندین هێرشی قورس کراوەتە سەر گروپە چەکدارەکانی گرێدراوی  ئێران لە نزیک سنوورەکانی عیراق و سوریا لە پارێزگای دێرەزۆر.

ئەو روانگەیە ئاماژەی بەوەشداوە ،  چەندین تەقینەوەی بەهێز لە ناوچەکانی ژێر کۆنترۆڵی ئێران و چەکدارە گرێدراوەکانی لە پارێزگای دێرەزۆر لە سنووری سوریا و عیراق روویداوە کە پێدەچێت لە ئەنجامی هێرشی فڕۆکە جەنگییەکانی ئیسرائیل بووبێت.

روانگەی سوری هەروەها رایگەیاندووە" ١٢ی ئەم مانگە کاروانێکی سەربازیی و لۆجستیی حەشدی شەعبی هاتوونەتە ناوچەکانی ژێر کۆنترۆڵی ئێران لە بوکەمال لە رۆژهەڵاتی دێرەزۆر".

س.ج