مەودا میدیا-

لە راگەیەندراوێکدا ناوەندی راگەیاندن و چاپەمەنی ‌هێزەکانی پاراستنی گەل "هەپەگە" رایدەگەیەنێت سوپای تورکیا بە هەلیکۆپتەری کۆبرا و هاوەن، ناوچەى حەفتانینی بۆردوومانکرد و بەوهۆیەشەوە ئاگر لە گوندێکی ناوچەکە کەوتووەتەوە.

 ناوەندی راگەیاندن و چاپەمەنی ‌هێزەکانی پاراستنی گەل "هەپەگە" رایگەیاندووە "شەوی رابردوو سوپای تورکیا بە هەلیکۆپتەری کۆبرا و هاوەن ناوچەى حەفتانینی بۆردوومانکرد بەو هۆیەشەوە گوندی بنکێ ئاگری گرتووە".

ئاماژە بەوەشکراوە "بۆردوومانەکە کاتژمێرێکی خایاندووە و ئاگرەکە بەرەو گۆڕستانی گوندەکە تەشەنەی سەندووە"، بەڵام لە راگەیەندراوەکەدا ئاماژە بەهیچ زیانێکی گیانی نەکراوە.

س.س